विराटनगर – मोरङको लेटाङ नगरपालिका–५ खेरुवास्थित सडकखण्डबाट प्रहरीले लागू औषधसहित दुई जनालाई नियन्त्रणमा लिएको छ।
शुक्रबार राति करिब २२:३० बजे इलाका प्रहरी कार्यालय लेटाङबाट खटिएको प्रहरी टोलीले ना ३ प २६८७ नम्बरको मोटरसाइकल रोक्दै नियमित चेकजाँच गर्ने क्रममा उनीहरूलाई नियन्त्रणमा लिएको हो।
प्रहरी अनुसार मोटरसाइकलमा सवार मोरङ उर्लाबारी नगरपालिका–२ बस्ने २२ वर्षीय सन्दिप धिमालको साथबाट खेरो (हेरोइन) जस्तो देखिने लिसाइला पदार्थ २ ग्राम फेला परेको थियो। सोही मोटरसाइकलका चालक, लेटाङ नगरपालिका–५ बस्ने ३१ वर्षीय प्रविन राई समेत घटनास्थलमै नियन्त्रणमा परेका छन्।
दुवै जनालाई मोटरसाइकलसहित नियन्त्रणमा लिएर इलाका प्रहरी कार्यालय लेटाङमा ल्याई थप अनुसन्धान प्रक्रिया अघि बढाइएको प्रहरीले जनाएको छ।
