विराटनगर — विराटनगर स्थित मोरङ कारागार कार्यालयमा थुनामा रहेर सजाय भोगिरहेका पथरीशनिश्चरे नगरपालिका–का एक कैदीबन्दीको उपचारका क्रममा बुधबार विहान मृत्यु भएको छ। स्वास्थ्य अवस्था अचानक गम्भीर भएपछि उनलाई अस्पताल पुर्याइएको थियो। अस्पतालमा उपचार हुँदै गर्दा नै उनको ज्यान गएको कारागार स्रोतले जनाएको छ।
मोरङ कारागारमा उपचारका क्रममा कैदीबन्दीको मृत्यु हुने घटना पछिल्लो समय तीव्र वृद्धि देखिएको छ। भदौयता हालसम्म ६ जना कैदीबन्दीले उपचारकै क्रममा ज्यान गुमाइसकेका छन्, जसले कारागारभित्रको स्वास्थ्य सेवा, व्यवस्थापन तथा समग्र सुरक्षा प्रणालीबारे गम्भीर प्रश्न उठाएको छ।
कारागारमा पर्याप्त स्वास्थ्य सुविधा, समयमै उपचार, भीडभाड व्यवस्थापन र स्वास्थ्य परीक्षणको अभावजस्ता कारणले लगातार कैदीबन्दीको ज्यान जोखिममा परेको अधिकारकर्मीहरूले टिप्पणी गर्दै आएका छन्। लगातार बढिरहेका मृत्युका घटनाले कारागार प्रशासनलाई स्वास्थ्य पूर्वाधार र सेवा सुधारका लागि तत्काल ध्यान दिनुपर्ने आवश्यकता रहेको देखिन्छ।
