हेल्मेटभित्र लुकाएको साढे ८ लाख रुपैयाँसहित एक जना पक्राउ

Logo
जय कामत प्रकाशित शनिबार, कार्तिक ०२, २०८२

विराटनगर । टाउकोमा लगाएको हेल्मेटभित्र लुकाएर ल्याएको करिब साढे ८ लाख रुपैयाँसहित एक व्यक्ति विराटनगरबाट पक्राउ परेका छन्।

शनिबार दिउँसो इलाका प्रहरी कार्यालय रानीबाट खटिएको टोलीले विराटनगर महानगरपालिका–१२ सैनिक टोलबाट ८ लाख ४७ हजार रुपैयाँ बरामद गरेको हो।

मोरङका प्रहरी प्रमुख एसपी कवित कटवालका अनुसार प्रहरीले सीमा क्षेत्रबाट विराटनगरतर्फ आउँदै गरेको भारतीय नम्बर प्लेट (बीआर ३८ भी ३३२८)  मोटरसाइकललाई शंका लागेर रोकेको थियो।

चेक जाँचका क्रममा चालक मोरङको जहदा गाउँपालिका–७ का ४६ वर्षीय नवीन साहले लगाएको हेल्मेटभित्र उक्त रकम लुकाइराखेको अवस्थामा फेला परेको प्रहरीले बताए ।

बरामद रकममध्ये १ हजार दरका ८ सय, ५ सय दरका ५१, १ सय दरका १ सय ४६ र ५० दरका १ सय २ थान नेपाली नोट रहेको प्रहरीले जनाएको छ।

रकमको स्रोत खुल्न नसकेपछि प्रहरीले साहलाई पक्राउ गरी थप अनुसन्धान अघि बढाएको जनाएको छ।

 

तपाईको प्रतिक्रिया दिनुहोस

Sushant Khabar | [email protected]
हाम्रो बारे

दर्ता को प्रक्रियामा छ।
कम्पनि दर्ता न. : ३२२७१५/०८०/०८१
यस अनलाईन पत्रिकाले नेपालीको साझा आवाजको रुपमा आफ्नो सामाचार सम्प्रेषण गर्ने छ ।

 

हाम्रो टिम

अध्यक्ष : जय कामत

सम्पर्क

नन्दनी मिडिया प्रा. लि.
9842098878
[email protected]
बिराटनगर मोरङ , कोशी प्रदेश