विराटनगर — मोरङको विराटनगर महानगरपालिका–१९ स्थित घिनाघाटमा शुक्रबार साँझ मोटरसाइकल दुर्घटना हुँदा दुई जना घाइते भएका छन्।
साँझ ७स्४० बजेतिर पूर्वबाट पश्चिमतर्फ गइरहेको को ६ प ३२७४ नम्बरको मोटरसाइकलले पैदलयात्रीलाई ठक्कर दिँदा दुर्घटना भएको हो। मोटरसाइकलले ठक्कर दिएको पैदलयात्री बूढीगंगा गाउँपालिका–१ का ३७ वर्षीय रमेश कट्टेल सामान्य घाइते भएका छन्।
दुर्घटनामा मोटरसाइकल चालक ग्रामथान गाउँपालिका–३ भौसाबारीका ४१ वर्षीय श्यामलाल चौधरी पनि घाइते भएका छन्।
दुबै घाइतेको विराट मेडिकल टिचिङ हस्पिटलमा उपचार भइरहेको जिल्ला प्रहरी कार्यालय मोरङले जनाएको छ। दुर्घटनाबारे थप अनुसन्धान भइरहेको प्रहरीले जनाएको छ।
