

विराटनगर — रौतहटको गौर–सिरसिया सडकखण्ड अन्तर्गत मुडवलबा मोड नजिक शनिबार राति महिलाको शव फेला परेको छ।
जिल्ला प्रहरी कार्यालय रौतहटका अनुसार राति करिब १०:३० बजे सडक किनारमा संकास्पद सुटकेश देखिएपछि स्थानीयले खबर गरेका थिए। प्रहरीले खोल्दा सुटकेशभित्र रस्सीले बाँधिएको अवस्थामा एक महिलाको शव भेटिएको हो।
प्रहरीले प्रारम्भिक रूपमा घटनालाई हत्या गरी शव सुटकेशमा हालिएको हुन सक्ने अनुमान गरेको छ। घटनास्थललाई सुरक्षा घेरामा लिएर थप अनुसन्धान भइरहेको प्रहरीले जनाएको छ।
महिलाको परिचय खुल्न बाँकी रहेको र घटनाबारे आवश्यक अनुसन्धान अघि बढाइएको जिल्ला प्रहरी कार्यालय रौतहटले जनाएको छ।