विराटनगर – सिन्धुलीको गोलन्जोर गाउँपालिका–६ स्थित भण्डास बिप्पर कटेरीमा बसोबास गर्दै आएको उर्मिला हायुको १६ सदस्यीय परिवार रहस्यमय रूपमा बेपत्ता भएको छ। सोमबार बिहानदेखि सम्पर्कविहीन बनेको परिवारबारे स्थानीयले प्रहरीलाई जानकारी दिएका थिए।
गाउँ एकान्तमा रहेको र घरमा सामान्य आगलागीको असर देखिएकाले घटना केही दिन अघिको हुनसक्ने आशंका गरिएको छ। परिवारले पालेका कुखुरा, बाख्रा, भैंसी अलपत्र अवस्थामा फेला परेका छन्।
प्रहरी र स्थानीय प्रशासनले घटनाबारे अनुसन्धान सुरु गरेको छ। परिवार सामाजिक सुरक्षा भत्ता बुझेर अन्यत्र गएका हुन् कि भन्ने आशंका गरिएको छ।
