विराटनगर -पोखरा सडकखण्डमा पर्ने मादी नदीमाथि नेपालकै पहिलो चार लेनको पुल निर्माण भइरहेको छ। पूर्वीखण्डका योजना प्रमुख प्रकाशचन्द्र भण्डारीका अनुसार ३१८ मिटर लामो यो पुल चार लेनको गाडी सञ्चालन हुने पहिलो संरचना हो।
नेपाली निर्माण कम्पनी एनके निर्माण सेवा द्वारा निर्माणाधीन यो पुलको सम्झौता ७ सेप्टेम्बर २०२२ मा भएको हो भने निर्माण सम्पन्नको म्याद ६ सेप्टेम्बर २०२५ सम्म निर्धारण गरिएको छ। हालसम्म पुलको ७१ प्रतिशत वित्तीय प्रगति भएको जनाइएको छ।
डिजाइन स्वीकृतिमा ढिलाइ, निर्माण सामग्री अभाव तथा मनसुनका कारण निर्माण कार्यमा चुनौती आएको बताइएको छ। विशेषगरी पुलको बीच भागको निर्माण कार्य मनसुनपछि मात्र अघि बढ्ने योजना रहेको छ।
पुल निर्माणका क्रममा आठवटा घर र त्यति नै संख्यामा जग्गा प्रभावित भएकाले मुआब्जा वितरण गरिसकिएको छ। आगामी पुस-माघ महिनासम्ममा पुल पूर्ण रूपमा सम्पन्न हुने अपेक्षा गरिएको छ।
मुग्लिङ-पोखरा सडकखण्डको यो महत्वपूर्ण परियोजना पूरा भएपछिको यात्रा अझ सहज र सुरक्षित हुने विश्वास लिइएको छ।
