विराटनगर – पूर्व–पश्चिम लोकमार्ग अन्तर्गत चपुर नगरपालिका–५ स्थित पश्चिम लच्का नजिक काठमाडौँबाट आउँदै गरेको यात्रुबाहक बसमा आगलागी भएको छ । बागमती प्रदेश–२–०३–००१ ख ५५५५ नम्बरको सो बसमा बिहीबार दिउँसो अचानक ब्याट्री सर्ट भइ आगलागी भएको प्रहरीले जनाएको छ ।
बसमा लागेको आगो स्थानीय बासिन्दा, प्रहरी र दमकलको सहयोगमा नियन्त्रणमा लिइएको छ । आगलागीका कारण बस पूर्ण रूपमा जलेर नष्ट भएको भए पनि कुनै मानवीय क्षति नभएको इलाका प्रहरी कार्यालय चपुरले जनाएको छ ।
प्रारम्भिक अनुसन्धान अनुसार विद्युत सर्ट भएर आगलागी भएको हुनसक्ने अनुमान गरिएको छ । घटनाबारे थप अनुसन्धान भइरहेको प्रहरीले जनाएको छ ।
