विराटनगर — भ्रष्टाचार, विशेषाधिकार र सरकारले लगाएको सामाजिक सञ्जाल प्रतिबन्धविरुद्ध जेन–जी पुस्ता सडकमा उत्रिएका छन्। सोमबार बिहानदेखि उनीहरू माइतीघरमा भेला भई विभिन्न प्लेकार्ड बोकेर प्रदर्शन गरेका छन्।
कलेज ड्रेसमा आएका युवाहरूले “नेता होइन, जनता पहिलो”, “समानता चाहिन्छ”, “सञ्चार स्वतन्त्रता हाम्रो अधिकार” जस्ता नारासहित प्रदर्शन गरेका थिए।
हालै टिकटक र रेडिटमा भाइरल बनेको ‘नेपो किड्स’ गतिविधिले राजनीतिज्ञका छोराछोरीको विलासी जीवनशैलीबारे तीव्र आलोचना भइरहेको छ। सोही सन्दर्भलाई अघि बढाउँदै युवाहरूले भ्रष्टाचारबाट कमाएको सम्पत्तिले जनता र नेताका परिवारबीच बढेको आर्थिक असमानता र अन्यायमाथि प्रश्न उठाएका छन्।
उनीहरूले सामाजिक सञ्जालमा मात्र नभई सडकमै उत्रिएर आन्दोलन थालेका हुन्। प्रदर्शनमा सहभागी विद्यार्थीहरूले यो आन्दोलन दमन होइन, लोकतान्त्रिक अधिकारको माग भएको स्पष्ट पारेका छन्।
