विराटनगर – चीन भ्रमणमा रहेका प्रधानमन्त्री केपी शर्मा ओली र चीनका राष्ट्रपति सी चिनफिङबीच तियानजिनस्थित अतिथिगृहमा दुईपक्षीय भेटवार्ता सम्पन्न भएको छ।
सांघाई सहयोग संगठन (SCO) को शिखर सम्मेलनमा सहभागी हुन पुगेका ओलीले उक्त अवसरमा राष्ट्रपति सीसँग नेपाल–चीन सम्बन्धलाई थप प्रगाढ बनाउन विभिन्न पहल र रणनीतिबारे छलफल गरेका हुन्।
भेटमा द्विपक्षीय आर्थिक, व्यापारिक तथा सांस्कृतिक सहकार्यलाई प्रवर्द्धन गर्ने विषयमा विशेष जोड दिइएको छ। दुवै नेताले आपसी सम्मान र समझदारीका आधारमा सम्बन्धलाई अझ मजबुत बनाउन प्रतिबद्धता व्यक्त गरेका छन्।
नेपालले चीनमा आयोजित SCO शिखर सम्मेलनमा समेत सहभागिता जनाउनेछ।
