विराटनगर– मोरङ फोटोग्राफर सङ्घले आज विराटनगरको महेन्द्र चोकमा रक्तदान कार्यक्रम आयोजना गरेको छ। बिहान ८ बजेदेखि सुरु भएको कार्यक्रममा ब्लड बैंकको सहजीकरणमा फोटोग्राफरहरू सहित सर्वसाधारणले स्वेच्छाले रगत दान गरेका थिए।
सङ्घले पछिल्लो समय विराटनगरमा रगतको अभाव बढ्दै गएकाले यसलाई पूर्ति गर्न तथा आवश्यक समयमा बिरामीले रगतको कमीका कारण समस्या भोग्न नपरोस् भन्ने उद्देश्यले कार्यक्रमको आयोजना गरिएको जनाएको छ।
सङ्घका पदाधिकारीहरूले आगामी दिनमा पनि यस्ता सामाजिक कार्यलाई निरन्तरता दिने प्रतिबद्धता जनाएका छन्।
