विराटनगर — प्रतिनिधि सभाअन्तर्गतको कृषि, सहकारी तथा प्राकृतिक स्रोत समितिबाट भूमिसम्बन्धी केही नेपाल ऐनलाई संशोधन गर्ने विधेयक, २०८२ पारित भएको छ। बिहीबार बसेको समितिको बैठकले विधेयक पारित गरेको हो।
छलफलको क्रममा सत्तारुढ दल नेपाली कांग्रेस र नेकपा एमालेबीच पनि विवाद देखिएको थियो। तर मतदानको अन्तिम चरणमा भने दुवै दलले समर्थन गरेका छन्। यसबीच माओवादी केन्द्र र राष्ट्रिय स्वतन्त्र पार्टी (रास्वपा) का सांसद भने असहमति जनाउँदै बैठक कक्षबाट बाहिरिएका छन्।
संसदीय समितिका सचिव शिवदत्त बरालका अनुसार माओवादी र रास्वपाले विधेयकमा फरक मत लेख्नेछन्। उनले चाहिँ फरक मत शुक्रबारसम्म पेश गर्न सक्ने र निर्णयमा हस्ताक्षर गर्ने प्रक्रियामा सहभागी हुन पाउने जानकारी दिए।
समितिबाट पारित भएको यो विधेयक अब प्रतिनिधि सभा बैठकमा पेश गरिनेछ।
