विराटनगर —नेरूडे मिर्मिरे लघुवित्त वित्तीय संस्था लिमिटेड, शाखा कार्यालय बिराटचोक अन्तर्गत सुन्दरहरैचा नगरपालिका वडा नं. १ स्थित केन्द्र नं. ७४ की ग्राहक अगरमैन कुमारी बातरका श्रीमानको निधनपछि संस्थाले ग्राहक संरक्षन कोषबाट प्राप्त रकम वितरण गरेको छ।
रु. १,५७,५००/- (एक लाख सताउन्न हजार पाँच सय रुपैयाँ) नगद रकम संस्थाका शाखा प्रमुख श्री भिम प्रसाद आचार्यको हातबाट पिडित अगरमैन कुमारीलाई प्रदान गरिएको हो। सो कार्यक्रम केन्द्रका सदस्यहरू, अभिभावक, र स्थानीयको विशेष उपस्थिति एवं सहभागितामा सम्पन्न भयो।
कार्यक्रमको सञ्चालन तथा सहजिकरण केन्द्र बैठक सञ्चालन गर्ने कर्मचारी यम कुमार कामत, मालती कुमारी र आशा उराउले गर्नुभएको थियो।
लघुवित्त संस्थाले आफ्ना ग्राहकको आपतकालीन अवस्थामा राहतस्वरूप प्रदान गर्ने ग्राहक संरक्षन कोषअन्तर्गत यस्तो सहयोग कार्यक्रम सञ्चालन गर्दै आएको छ।
संस्थाले पीडित परिवारप्रति समवेदना व्यक्त गर्दै आगामी दिनमा पनि आफ्ना ग्राहकहरूको साथमा रहने प्रतिबद्धता व्यक्त गरेको छ।
