विराटनगर — संघीय मामिला तथा सामान्य प्रशासन मन्त्रालयले सेवाग्राहीका गुनासो छिटो र प्रभावकारी रूपमा समाधान गर्न ‘गुनासो व्यवस्थापन केन्द्र’ सञ्चालनमा ल्याएको छ। मन्त्री भगवती न्यौपानेले बिहीबार केन्द्र उद्घाटन गर्दै यसबाट नागरिकको भरोसा बढ्ने विश्वास व्यक्त गरिन्।
उपसचिवको नेतृत्वमा सञ्चालित केन्द्रले प्राप्त गुनासोहरू सङ्कलन, वर्गीकरण र समाधान गर्नेछ। सामान्य प्रकृतिका गुनासा तत्कालै सम्बोधन गरिनेछ भने जटिल विषयहरू सम्बन्धित शाखा र महाशाखाबाट अधिकतम एक साताभित्र समाधान गरिनेछ। नीति र निर्णय तहका गुनासोहरू भने महिनाभित्र टुंग्याइने मन्त्रालयले जनाएको छ।
गुनासोका लागि हटलाइन नम्बर, इमेल, ट्विटर, फेसबुक तथा पत्राचार माध्यम उपलब्ध गराइएको छ।
